NATO Alyansnıñ Baş kâtibi Yens Stoltenbergniñ salâhiyetini 2024 senesi oktâbrniñ 1-nece uzattırmağa qarar aldı.
Daa evel, NATO memleketleri 64 yaşındaki Stoltenbergniñ halefi ile bağlı könsensusqa kele bilemegenleri içün onıñ vazifesinde qalmasını istegenleri haber etilgen edi. İttifaqdaşlar bu qararnı qabul etmek içün bir qaç ay sarf ettiller. Bu vazifege Daniya baş naziri Mette Frederiksen ve Büyük Britaniya mudafaa naziri Ben Uolles namzet olaraq baqılğan edi.
Bundan ğayrı Stoltenbergniñ salâhiyetiniñ devam ettirilmesine Rusiyeniñ Ukrayinağa qarşı cenki de tesir etti.
Yens Stoltenberg 2014 senesinden berli NATO-ğa yolbaşçılıq ete. Bundan evel o Norveç baş naziri ve BMT iklim deñişüvi mahsus elçisi vazifelerinde bulunğan edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
