NATO devletleri ve Ukraina Qara deñizde “Deñiz qalqanı 19” ortaq idmanlarnı keçire. İdmanlar aprelniñ 5-inden 13-ünece keçecek, dep bildire NATO-da Ukraina missiyasınıñ matbuat hızmeti.
“2200 askerniñ iştiraginen 14 Romaniya arbiy gemisi ve Bulğaristan, Kanada, Yunanistan, Felemenk (Niderlandler) ve Türkiyeniñ 6 arbiy gemisi Qara deñizde beraberlikte arbiy vazifelerini becerecek”, - denile beyanatta, dep yaza Azatlıq Radiosı.
“Deñiz qalqanı” idmanları - er yıl keçirilgen tedbir, onda NATO ve ortaq memleketler iştirak ete.
Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.
