NATO Mudafaa nazirleri oktâbrniñ 21-nde Brükselde Rusiyeniñ bir qaç cebede er angi ola bilecek ücüminden qorunmaq içün yañı bir plan aqqında keliştiler. Vesiqada qayd etile ki, Çinniñ areketlerine diqqatnıñ artmasına baqmadan, İttifaqnıñ esas maqsadı Moskvanı tutmaqtır. Bunı Azatlıq Radiosı haber ete.
NATO-nıñ strategiyası gizlidir, Baltıq ve Qara deñiz bölgelerinde özek silâsınıñ qullanuvından, kompyüter ağlarınıñ bozuluvından ve kosmosta ücümlerden ibaret ola bilecek er angi bir sinhron ücümge azırlıq içün yapıla.
"Eñ yahşı ve yañı planlarnı qullanıp, birligimizni pekitmege devam etemiz", - dedi NATO baş kâtibi Yens Stoltenberg .
Aynı zamanda, NATO resmiy şahısları qayd eteler ki, Rusiye tarafından ücüm mıtlaqa olacaq.
Yens Stoltenberg, Brükselde nazirler körüşüvinden evel, Moskva ile alâqalarnıñ suvuq cenkten soñra yañı bir aşağı noqtağa yetkenini ayttı.
Moskva Ğarpqa qarşı tecavuziy areketlerni red ete ve aksine NATO öz areketlerinen Avropada vaziyetni stabilsizleştire dey.
