NATO Rusiye Tış işler naziriniñ muavini Aleksandr Gruşkonıñ işbirligini tamamen toqtatuv aqqında beyanatını red ete. Bu aqta NATO matbuat kâtibi Oana Lungescunıñ beyanatında aytıla, dep haber ete Azatlıq Radiosı.
«NATOnıñ fikri deñişmedi. Şimaliy Atlantik alyans Rusiyege nisbeten eki vektorlı yanaşuvğa riayet ete: ciddiy dialognıñ saqlap qaluvında küçlü tutuv ve mudafaa», – dep qayd etti Lungescu.
Onıñ hatırlatqanına köre, 2014 senesi mart ayında Alyans Rusiyeniñ Ukrainağa qarşı yapqan istilâsı sebebinden Moskva ile ameliy işbirligini toqtattı, faqat «siyasiy ve arbiy dialog içün kanallarnı saqlap qaldı».
Rusiye Tış işler naziriniñ muavini Aleksandr Gruşko Rusiye ve NATO arasındaki arbiy ve vatandaş meseleleri işbirligi «tamamen toqtatıldı», dep bildirgen edi. Onıñ aytqanına köre, Şimaliy Atlantik alyans qabaatlı ola, çünki Moskva ile munasebetlerinde «müsbet kün tertibinden vazgeçti».
NATO ittifaqı 2014 senesi Qırım işğalinden soñ Rusiye ile bağlarını toqtatıp, Ukraina şarqında arbiy areketler başlattı.
