ABD Devlet departamentiniñ Ukrayina meselelerinden sabıq mahsus temsilcisi Kurt Volker, Vilnüs sammitinde Ukrayinanıñ NATO azalığı içün aydın istiqballerniñ olmamasını Rusiye prezidenti Vladimir Putinni cenkni devam ettirmege teşviq etkenini saya.
"İç kimse NATO Ukrayinağa deral ittifaqqa qoşulmaq içün resmiy davet berecegini tüşünmemeli edi. NATO-nıñ Ukrayinanıñ NATO azası olması istiqballeri ile bağlı Putinge doğru işaretler berip bermemesi meselesi edi. Yazıq ki, böyle bir işaret körmedik", - dep qayd etti o.
Volker, Vilnüs sammitiniñ aslında 2008 senesi Buharestte aytılğanlarnı tekrar etkenini saya: "Kelecekte Ukrayinanıñ NATO-da yeri bar, amma bu sözlerde ne bir esnas, ne bir vaqıt çerçivesi, ne bir işans, ne de samimiylik bar".
"Bu belgisiz sözlerniñ tekrarı çoq zarar ketire. Bu Putinge şunı dey: kel, istegen qadar cenkni devam et. Biz ise aksine yapmalımız - yani Putinniñ Rusiye imperiyasını ğayrıdan tiklemek niyetini iç bir vaqıt kerçekleşmeycegini köstermelimiz. Şimdi ise biz onı bunı yapmağa teşviq etemiz", - dep qoştı Volker.
İyülniñ 11-nde, NATO sammitiniñ birinci kününde İttifaqnıñ Baş kâtibi Yen Stoltenberg, Ukrayinanıñ "bütün ittifaqdaşlar razı olğnda ve şartlar yerine ketirilgende" itifaqqa qoşuluv davetini alacağını bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
