NATO, general Kasem Süleymaniniñ öldürilmesinden soñra Iraq ordusındaki idman missiyasını bitire, dep ilân etti, haber ete Azatlıq Radiosı.
Alyans, Kanada baş etken missiya devam etse bile, onıñ hadimleri içün telükesizlik meselesi birinci nevbette turğan mesele olacaq, dep ayttılar.
"Bütün kerekli tedbirlerni körmege devam etemiz. NATO missiyası devam ete, amma idmanlar vaqtınca toqtatıla", - dedi NATO vekili Dilan White.
İran generalı, «Kuds» quvetleriniñ komandanı Kasem Suleymani Iraqnıñ paytahtı Bağdatta ABD ava darbesi neticesinde elâk oldı. Amerika ve İran memurları yanvarniñ 3-ne keçer gecesi Bağdat ava limanında eki maşinağa endirilgen darbe neticesinde İrannıñ eñ itibarlı memurlarından biri elâk olğanını tasdıqladı.
Pentagon, ABD prezidenti Donald Trump yanvarniñ 2-nde saba ava darbesine qoltuttı, dep bildirdi.
ABD mahsus tedbirleri neticesinde öldürilgen Suleymani Tehrannıñ eñ itibarlı ekinci kişi sayılğan edi. Olarnen beraber Iraqnıñ şiiy opolçenleriniñ bir qaç lideri elâk oldı.
