NATO Baş kâtibi Yens Stoltenberg, Ukrayinadaki arbiy areketler Rusiye ile NATO arasında cenkke çevirile bileceginden raatsızlıq bildirdi
"Ukrayinada deşetli cenk. Bu em de NATO ile Rusiye arasında büyük cenkke çevirile bilecek cenk. Bunıñ qarşısını almaq içün er kün bunıñ üzerinde çalışamız", - dedi o.
Stoltenberg "büyük cenkniñ ola bilecegine iç bir şübe olmağanını" ve "daa çoq Avropa memleketini celp etecek ve Avropada büyük cenkke sebep olacaq" çatışmadan qaçınmaq müim olğanını bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
