NATO Baş kâtibi Yens Stoltenberg Rusiyeniñ Gürcistan ve Ukrayinanıñ qısımlarını işğal etken soñ mesüliyetten qaça bilmesinden yazıqsına.
"2018 senesi Gürcistan edi, 2014 senesi Qırım edi, soñradan 2022 senesi büyük cenk. Rusiyeniñ mesüliyetten qaça bilmesinden yazıqsınam", - dep ayttı Stoltenberg.
Onıñ sözlerine köre, endi AB ve NATO-nıñ mudafaağa yatırım eterek ve Ukrayinağa destek bererek telükesizlikni saqlamaqtan başqa yolu olmağanını bildirdi.
"Çünki Putin cenkni yutsa bu ukrayinalılar içün facia olacaq, bu bizim içün de telükelidir, çünki bu avtoritar liderler içün işaret olacaq", - dep qayd etti o.
O, Rusiyeniñ Ukrayinağa tecavuzınıñ NATO memleketleri tarafından tahrik etilmegenini daa bir kere qayd etti.
"Rusiye qomşularını nezaret etmek, meraq saalarını bölüştirmek qararına keldi. Ve bir-de-bir memleketniñ NATO-ğa qoşulmağa istegini provokatsiya dep adlandıra. Bu provokatsiya degil, bu er angli demokratik ve suveren devletiniñ öz yolunı saylamağa aqqıdır", - dep bildirdi NATO baş kâtibi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
