Link açıqlığı

NATO Qırımnı Ukraina territoriyası olaraq saya ve Rusiyeden onı Ukraina terkibine qaytarmağa talap ete. Bunı NATO baş kâtibi Anders Fogh Rasmussen bildire, dep haber ete Radіo Svoboda.

Jurnalistniñ «Qırım iç qaytarılmazmı» degen sualine, Rasmussen: «Rusiye Federatsiyasınıñ Qırım işğali qanunsızdır. Biz Qırımnı Ukraina qısmı olaraq tanıymız. Ve Rusiyeni onı Ukrainağa qaytarmağa çağıramız»,– dedi.

Brüsselde NATO memleket-azalarınıñ mudafaa nazirleri ve Ukraina-NATO komissiyası körüşüvinde NATO baş kâtibi alyans Moskvadan Ukraina etrafında vaziyetiniñ tertipleşüvi boyunca mahsus adımlarını beklegenini qayd etti.

Bu adımlar, onıñ sözlerine köre, Ukraina sıñırından ordularınıñ qaytaruvını közde tuta. Rasmussen qayd etti ki, işbu ketişat endi başlandı, faqat Rusiye ordularınıñ ukrain sıñırındaki sayısı «on biñlernen» arbiylerniñ miqdarındadır.

NATO Rusiyeden separatistleriniñ «silâlı bandalarınıñ» destegini toqtatmağa talap ete.
XS
SM
MD
LG