Türkiyede Ukrayinanıñ yañı elçisi qırımtatar halqı Meclisiniñ reisiniñ birinci muavini, Kremlniñ sabıq mabüsi Nariman Celâl olacaq. Bu aqta Türkiyedeki matbuat konferentsiyasında Ukrayina prezidenti Volodımır Zelenskıy bildirdi.
"Bugün ukrayin eyyetinde bizde Nariman Celâl bar, o, Qırımtatar Milliy Meclisi reisiniñ muavini, Ukrayinada pek sayılğan insandır, ve, yazıq ki, o, Rusiye repressiyalarına oğradı. Onı evge, bizim ukrayin Qırımımızğa, qaytqanında yaqalağan ediler. Nariman Rusiye apishanesinde üç yılğa yaqın vaqıtnı vatanperver olğanı, açıq-aydın olğan noqta-i nazarı içün keçirdi, o, bir şey yañlış yapmadı", — dep qayd etti o.
Zelenskıynıñ aytqanına köre, Nariman Celâlnıñ bugün resmiy şekilde açılğan Ukrayina elçiliginiñ yañı binasında çalışıp başlaması timsaliydir.
Zelenskıy 2024 senesi dekabrniñ 20-nde Celâlnıñ Türkiyedeki Ukrayina elçisi olacağı aqqında ilk sefer bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
