Qırımnıñ rusiyeli Naqliyat Nazirligi, Yaltada turistlerni Ay Petri yaylasına taşıcaq "ekspress-taksi" çalışıp başladı, dep bildire.
Müessisege köre, bilet satqan kassalar avgustnıñ 16-sında çalışıp başladı. "Ekspress-taksi"niñ fiyatı 450 ruble.
Taksiniñ, Yalta Avtomobil Vokzalınıñ aşağıdaki platformasından ve "Mishor - Ay Petri" alat yolunıñ aşağıdaki ve yuqarıdaki stantsiyalarından qatnağanı bildirile.
Ay Petri platosına yol yük maşnaları ve yolcu avtobusları içün qapalı, amma bu yasaq ağırlığı 3,5 tonnağa qadar olğan yengil naqliyatqa ükümsürmey.
