Rusiye uquq qoruyıcıları 2021 senesi mayıs ayında tintüv vaqtında öldürilgen özbekistanlı siyasiy qaçaq Nabi (Ayub) Rahimovnıñ naaşını bermege razı olmadı.
Advokat Edem Semedlâyev Rusiye Federatsiyasınıñ Tahqiqat komitetine muracaat etti. O, Rahimovnı islâm dinine köre defin etmek içün naaşını bermege rica etken edi. Tahqiqat komitetiniñ cevabında qayd etilgenine köre, defin etüv ve cenaze qanunına köre, kontrterroristik aktsiyalar vaqtında öldürilgen terror faaliyetinden şübheli sayılğanlarnıñ naaşları berilmey. Olarnıñ defin yeri de aydınlatılmay.
«Alınğan malümatqa köre, Rusiye Federatsiyasında Rahimov N.N. terror faaliyetinde iştirak etti, terror ücümine azırlıq areketlerini yaptı», – dep aytıla Rusiye Federatsiyası Tahqiqat komitetiniñ cevabında.
2021 senesi mayısnıñ 11-nde Aqmescitte Rusiye uquq qoruyıcıları Özbekistan vatandaşı Nabi (Ayub) Rahimovnı tutqanda atıp öldürdi. Silânen tirengen eken.
Bu yıl dekabr ayında bildirgenine köre, Rahimovğa qarşı cinaiy dava açıldı. 2023 senesi mart ayında Rusiye Federatsiyasınıñ Tahqiqat komiteti erkek «ölümden soñ qabaatlı tanıldı», dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
