Aprel ayından QırımSOS uquq qoruyıcı teşkilâtınıñ ayrı bir "uquqiy yardım hattı"sı faaliyetke başlağandan berli muvqqat işğal etilgen topraqlardan kelgen insanlar içün vesiqalarnıñ alınması keskin mesele olaraq qala. Bunı teşkilâtnıñ adliyecisi Anastasiya Kalinina haber etti.
"QırımSOS uquqiy yardım hattısına muracaatlarnıñ üçte biri vesiqalarnıñ resmiyleştirilmesine aittir. Muracaat etkenlerniñ ekseriyeti çetel ve iç pasportlarını ve diger vesiqalarını almağa istegen Muvaqqat işğal etilgen topraqlardan adamlardır", - dep qayd etti o.
Uquq qoruyıcılar hatırlatalar ki, işğal etilgen topraqlardan olğan ukrayinler doğum ve ölüm şeadetnamelerini raqamlı imzanı qullanıp advokatnen elektron muqavele tizip mahkeme vastasınen ala bileler.
QırımSOS teşkilâtında qayd etkenleri kibi uquqiy "yardım hattınıñ" çalışıp başlağandan berli uquq qoruyıcılarğa 851 ariza kelgen.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
