Aqmescitte 12 kün apiste yatqan «Qırım birdemligi» faali Marlen Mustafayev azatlıqqa çıqtı. Onı bir çoq semetdeşi qarşıladı. O, toplaşqanlarğa minnetdarlığını bildirerek, diger faallerni «halq ögündeki mesüliyet» aqqında unutmayıp, taqipten ve apisten qorqmamağa çağırdı. Aqmescit civarındaki Bavurçı (Kamenka) qasabasında qırımtatarınıñ evine dost-bilişleri keldi. Qoranta küçük bayram yaptı. Toplaşqanlar nezaret altında bulunğan siyasiy mabüslerniñ sağlıqları ve tez vaqıtta ailelerine qavuşmaları içün dua oqudı.
«Mutlaq rekordçı». Nezaret altında bulunğan faal Mustafayev nasıl qarşılandı (süret toplamı)
![12 kün memuriy apis cezasını çekken faal Marlen Mustafayev Aqmescitteki mahsus izolâtor yanında qarşılana](https://gdb.rferl.org/897910c1-064a-4e2c-be5f-cfacae63f82e_w1024_q10_s.jpg)
1
12 kün memuriy apis cezasını çekken faal Marlen Mustafayev Aqmescitteki mahsus izolâtor yanında qarşılana
![Evine qaytqan Mustafayev başta balalarını quçaqlay](https://gdb.rferl.org/debdad75-3e14-4ea8-9a46-bc778087e797_w1024_q10_s.jpg)
2
Evine qaytqan Mustafayev başta balalarını quçaqlay
![Mustafayev dostlarına bayramlıq aş pişirmege yardım ete](https://gdb.rferl.org/74831eae-657c-4592-bce0-2848cff6036c_w1024_q10_s.jpg)
3
Mustafayev dostlarına bayramlıq aş pişirmege yardım ete
![Mustafayevniñ dostu evniñ divarında «boysunmağan» yazısını azırlay](https://gdb.rferl.org/bbee446c-f620-464e-876d-ac243036776e_w1024_q10_s.jpg)
4
Mustafayevniñ dostu evniñ divarında «boysunmağan» yazısını azırlay
![Mustafayevniñ azatlıqqa çıqqanı munasebetinen semetdeşleri bayramlıq aş pişirdi](https://gdb.rferl.org/5b5f9773-b52a-4cf1-b300-ad993434d022_w1024_q10_s.jpg)
5
Mustafayevniñ azatlıqqa çıqqanı munasebetinen semetdeşleri bayramlıq aş pişirdi
![Bayramlıq sofrağa azırlıq kete](https://gdb.rferl.org/5fe2d9e1-6ea6-4f70-8025-6639ea2e42b9_w1024_q10_s.jpg)
6
Bayramlıq sofrağa azırlıq kete
![Bayramlıq sofra](https://gdb.rferl.org/972a22a9-4d41-4e74-b263-5b43fde6874d_w1024_q10_s.jpg)
7
Bayramlıq sofra
![Oğlançıq dua oquy](https://gdb.rferl.org/68cc021d-4d1f-49bc-8a98-5e049b047282_w1024_q10_s.jpg)
8
Oğlançıq dua oquy
![Mustafayevniñ ömür arqadaşı aqayına tort azırlap, «Dinde ve birlikte quvet» dep yazdı. 23 raqamınen ise eki yıl içinde çekken memuriy ceza künlerini ifadeledi](https://gdb.rferl.org/1e88dc53-49b5-4d0b-bc23-2a6efe1d4feb_w1024_q10_s.jpg)
9
Mustafayevniñ ömür arqadaşı aqayına tort azırlap, «Dinde ve birlikte quvet» dep yazdı. 23 raqamınen ise eki yıl içinde çekken memuriy ceza künlerini ifadeledi
![Mustafayevler qorantası qalğan aşnı duağa kelip olamağan dostlarına berdi](https://gdb.rferl.org/82fb5f3e-42e4-4145-b87f-bea4bcbf3cff_w1024_q10_s.jpg)
10
Mustafayevler qorantası qalğan aşnı duağa kelip olamağan dostlarına berdi
![Faaller Ruslan Suleymanov ve Riza İzetov azbarda namaz qılalar. İzetov, Mustafayevni qarşılağanda «çekken memuriy ceza künlerine köre mutlaq rekordçı» dep şaqalaştı](https://gdb.rferl.org/1f0c21ee-81ee-4fd2-af2c-ca2d17d6f7c6_w1024_q10_s.jpg)
11
Faaller Ruslan Suleymanov ve Riza İzetov azbarda namaz qılalar. İzetov, Mustafayevni qarşılağanda «çekken memuriy ceza künlerine köre mutlaq rekordçı» dep şaqalaştı
![Faaller yağmur yağar dep, sofralarnı brezentnen örteler](https://gdb.rferl.org/a15d34d0-3320-450e-adfd-2fcf03fd7454_w1024_q10_s.jpg)
12
Faaller yağmur yağar dep, sofralarnı brezentnen örteler
![Dua olğan azbarda ayva teregi](https://gdb.rferl.org/624916e7-088b-4239-8ac4-58e3ce62e420_w1024_q10_s.jpg)
13
Dua olğan azbarda ayva teregi
![Eki afta evelsi Rusiye uquq qoruyıcıları tintüv ötkergen faalniñ evi, bugün mında onıñ azatlıqqa çıqqanı qayd etile](https://gdb.rferl.org/233daa66-f724-49fb-94dd-6bf0e6b9bd17_w1024_q10_s.jpg)
14
Eki afta evelsi Rusiye uquq qoruyıcıları tintüv ötkergen faalniñ evi, bugün mında onıñ azatlıqqa çıqqanı qayd etile
Facebook Forum