Mayısnıñ 5-nde küneş batqanınen musulmanlarnıñ mubarek Ramazan ayı – oraza ve ibadet ayı – başlana. Ramazan ayı otuz kün devam etip, müminler içün Allah rizası içün yapılğan ibadetler ayı ola. Musulmanlar dindarlıqqa irişmege ve aşta sıñırlanmağa tırışa.
Ramazanda Oraza tutula, Teravih namazı qılına, iftarlar, temçitler yapıla, fuqarelerge fitir sadaqası berile.
Mubarek ayda ağır ayaqlı ve emizdirgen analar, bala, hasta ve qart adamlar, yolcular içün oraza tutmaq farz degildir.
Ramazannıñ soñki küneş batması ile, Şevval ayınıñ ilk kününde, Oraza bayramı qayd etile.
Bu sene Oraza bayramınıñ birinci künü iyünniñ 4-nde qayd etilecektir.
