Cuma künü, iyül 31-inde, musulmanlar büyük bayramlardan birisini - Qurban bayramnı qutlay. İlhaq etilgen Qırımda bu kün - raatlıq künüdir.
Rusiye nezaretindeki Qırım ve Aqyar Musulmanlarınıñ Diniy İdaresi haber etkeni kibi, saba yarımadanıñ camilerinde bayram namazı keçti.
Ukraina TİN başınıñ müavini Emine Ceppar öz hayırlavında ilhaq etilgen Qırımda qırımtatarlar basqığa oğrağanını da ayttı.
"Bu künler tüşüncelerim hususan Qırımnen bağlıdır ve dualarımda tuvğan topraqlarında adaletsizlikke oğrağan ve taqip etilgen vatandaşlarım - qırımtatarlar - Ukraina musulmanları içün Allahtan meramet, qoruma ve yardım istegidir".
Qırım musulmanlarını bayramnen Milliy Meclis reisi Refat Çubarov da hayırladı.
"Ukraina musulmanları - mustaqil ukrain devletniñ mesuliyetli vatandaşlarıdır. Qırımtatar halqınıñ altı yıldan berli sürgen işğalge qarşı tirenüvi, onıñ Qırımnıñ tamır halqlarına ve Ukraina devletine sadıq olğanını köstere. Ukraina devletiniñ territorial bütünliginiñ tiklemesi Ukraina musulmanlarınıñ ummetiniñ eñ esas vazifesidir", - qayd etti Çubarov.
Qurban Bayramı musulmanlarnıñ eñ büyük bayramlarından biri olaraq, Mekkege acılıqnıñ soñuna yetmesini temsil etip, Oraza Bayramından 70 kün keçken soñ İbraim peyğamberniñ qurbanı hatırasına keçirile.
Qurban Bayramı büyük meydanlarda cemaat ile qılınğan saba namazından başlana ve ondan soñ er yerde ayvanlarnı soyıp başlaylar. Bu ananeniñ tamırları, alemlerniñ Rabbisi İbraim peyğamberge oğlu İsmailni qurban etip çalmağa bermeyip ve sonki daqqasında qoynı kesmege buyurıp toqtatqanı aqqında qadimiy bir ikâyege barıp yeteler.
