Link açıqlığı

Saatnıñ esas haberi

Bir qaç qırımlı Mustaqillik Künü munasebetinen Ukraina devlet mukâfatlarını aldı


Mustaqillik Künü munasebetinen devlet mukâfatlarını alğan Ukraina vatandaşları arasında qırımlılar da bar.

Ukraina prezidenti Volodımır Zelenskıynıñ buyruğına köre, III derece «Yararlıq» nişanını qırımlılar Donbastaki ATO iştirakçisi Nariman Bilâlov (İsa Akayev), aq qorçalayıcı ve faal Abdureşit Cepparov, Rusiyede mahküm etilgen aqyarlı Ukraina arbiyi Volodımır Dudka aldı. III derece knâginâ Olğa nişanını aq qorçalayıcılar Alena Luneva ve Mumine Saliyeva aldı.

«Semetdeşlerimizni tebriklep, Ukraina suvereniteti ve topraq bütünligine qoltutuvğa qoşqan isseleri içün teşekkürler bildiremiz», – dep izaatladı qırımlılarnıñ mukâfatını Ukraina prezidentiniñ Qırım Muhtar Cumhuriyeti ve Aqyar vekili Anton Korınevıç Facebookta.

Kyivdeki Mıhaylivska meydanında avgustnıñ 24-nde «Qırım eviniñ» yardımınen teşkil etilgen «Yurtum… Qırım» teatrleştirilgen performans olıp keçti.

Bayram munasebetinen Kyivde Ukraina imayecileri yürüşi ötkerildi. Ukraina Silâlı quvetleriniñ malümatına köre, anda beş biñden çoq asker, 100 uçuş cihazı, 400 silâ ve tehnika iştirak etti.

Avgustnıñ 24-nde Ukraina Mustaqillik Kününde Aqyarda Taras Şevçenko abidesi yanında çeçekler qoyuldı, qırımlı ise Mustaqillik künü munasebetinen qırımtatar yırını ukraince ayttı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.
«Ey, güzel Qırım»: qırımlı qızçıq Mustaqillik künü munasebetinen qırımtatar yırını ayttı (video)
Bekleñiz, lütfen

No media source currently available

0:00 0:02:00 0:00

XS
SM
MD
LG