Qırımtatar halqınıñ milliy lideri, Ukrayina millet vekili Mustafa Cemilevge Ukrayina Qaramanı unvanı ve "Altın Yıldız" nişanı berildi. Bunı Qırımtatar Milliy Meclisiniñ reisi Refat Çubarov haber etti.
"Şimdiçik Ukrayina prezidentiniñ odasından çıqtıq. Volodımır Zelenskıy Ukrayina Qaramanı unvanınıñ berilmesi munasebeti ile Mustafa ağanı "Altın Yıldız" nişanınen taqdirledi", - dep yazıla bildirmede.
Noyabrniñ 13-nde Qırımtatar halqınıñ lideri Mustafa Cemilev 80 yaşına toldura.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
