Link açıqlığı

Mustafa Cemilev oña Qırımğa kim yol qapatqanını bilmey


Qırımtatar milletiniñ lideri Mustafa Cemilev Azatlıq Radiosına intervyüsı devamında oña Rusiyege ve işğal etilgen qırımğa kiriş yasaq etilgenini tasdiqladı.

Cemilev, qararnı kim Moskva ya da Qırımnıñ Rusiye yaqlı reberleri qabul etkenini aytıp olamay. Bazı malümatlarğa köre, yasaqlanuv yerli «akimiyetniñ» ayın-oyunları, Moskvanıñ ise bundan haberi yoq. «Baqarmız», – dedi Cemilev.

Cemilevge Qırımğa 2019 senesine qadar kelmek yasağı aqqında Milliy Meclisniñ matbuat-hızmeti bildirdi.

Hususan, Qırım ile Ukraina arasındaki sıñırnı keçkende, Cemilevniñ qoluna «Rusiye Federatsiyasına ziyaret yasaqlanğanı aqqında akt» tuttırıldı. Vesiqanıñ ne müüri, ne imza, amma, yasaq aprel 19 kününden başlap ömürge keçirilip başlağanı yazıla.

Bundan da ğayrı, Qırımnıñ rusiyeli akimiyeti tarafından «Qırım» DTRK-nıñ efirinde Refat Çubarov ve Cemilevni köstermege mümkün olmağanı aqqında emir keldi.
XS
SM
MD
LG