Link açıqlığı

Mudafaa Nazirligi: Kramatorsk civarında çatışmada separatistler 6 zembil askerini öldürdi ve BTRnı yaqtılar


Bugün, mayıs 13-de, tahminen saat 13.00 Slavânsk rayonınıñ Oktâbrskoye köyü etrafında, Kramatorsktan 20 km mesafede, Ukraina Silâlı Quvetleriniñ arbiy bölükleriniñ birinden çıqqan kolonnağa qarşı gizli-gizli bir pusudan ateş açıldı.

Silâlı separatistler ukrain zembil askerlerine ücüm ettiler.

Mudafaa Nazirliginiñ malümatına köre, 30-dan ziyade adam evelden kelip, özen boyu çalılarda pusuda oturdılar.

Separatistler açqan birinci ateşten eki arbiy adam elâk oldı, daa 3 kişi yaralandı. Umumen devamlı çatışma neticesinde Ukraina Silâlı Quvetleriniñ 6 askeri elâk oldı. 8 insan farqlı yara aldı. Bir kişi ağır alda buluna.Yaralanğan ve elâk olğanlar tahliye etildi, dep bildire UNİAN.
XS
SM
MD
LG