Moskva merkeziniñ Nikitskiy bulvarındaki mesken evde çıqqan yanğın neticesinde 6 insan elâk oldı. Bu aqta «İnterfaks» rus neşiri menbalarına esaslanıp bildire.
Evniñ tahta töşemeleri bar, alev binanı tez qavrap aldı, yanğın tahminen 1 biñ metre kârede oldı. 300 metrde töşemeler yıqıldı, dep bildire Radio Svobodanıñ rus bürosı.
Şaatlar yanğın videosını derc ete.
Ev 1912 senesi qurulğan edi, 100 dairesi bar. Medeniy miras yerlerine hasmı-yoqmı tam bir malümat yoq.
Evde bir sıra meşur insannıñ dairesi bar, şu cümleden oyuncı İngeborga Dapkunayte («RİA Novosti» rus neşiriniñ yazğanına köre, dairesi yanğından zarar körmedi), ressam Nikas Safronov, dirijor Yuriy Başmetniñ qızı Kseniya Başmetniñ dairesi.
Yanğın sebebi daa belli degil, cinaiy iş açıldı.
Moskvanıñ Kapotnâ rayonında 2018 senesi noyabrniñ 17-nde cermay işlengen zavodda yanğın çıqqan edi. Qurtarıcı hızmetlerniñ bildirgenine köre, yanğın neticesinde yaralanğanlar olmadı, qara tuman bulutı ise kvartal sakinleri içün telükeli degil.
