«Strategiya – 30» Rusiye teşebbüsiniñ faalleri Moskvanıñ merkezinde er ay keçirilgen ananeviy aktsiyanı ötkerdi. Olar Rusiye apishanelerinde tutulğan ukrainalı siyasiy mabüsler aqqında yazuvlı şiarlarnen hatırlattı. Aktsiya iştirakçileri mabüslerniñ acele azat etilüvini talap ete, dep tarif etti aktsiya iştirakçisi Vera Lavreşina Qırım.Aqiqatqa.
«Tverskaya soqağından keçkenler bu sefer aktsiyalarımızdan yüzüni çevire ediler. Putinniñ rejimi zayıflay ve dağılacaq, bunı bir çoq insan endi köre. Ukrainalı deñizcilerniñ zapt etilüvi ve «Rusiyeniñ iç deñizi» sayğan Keriç boğazını işğal teşebbüsi içün cevap berecekler… Rusiye tarafı esirlerni almaştıruv esnasını soza», – dep bildirdi Lavreşina aktsiyanıñ soñunda.
Aktsiya iştirakçileri Ukraina vatandaşlarınıñ Rusiye apishanelerinde tutulmasını «halqara aydutlıq» dep adlandırdı. Bu sefer olar Qırım yalısında keçken sene noyabr ayında FSB tarafından tutulğan ukrainalı esirler aqqında hatırlattı.
Bazı iştirakçiler Rusiyeli siyasiy mabüsler, «Memorial» çeçen yolbaşçısınıñ Oyub Titiyevge qoltutuv yazuvlı şiarlarınen keldi.
«Strategiya – 30» aktsiyası çerçivesinde Rusiye muhalifet faalleri er aynıñ 30-nda «Siyasiy mabüs kününi» keçire. Olar siyasiy mabüslerni azat etmek, Ukrainağa qarşı Rusiye istilâsını toqtatmaq, Qırımnıñ işğalini toqtatmaq talaplarınen barışıq aktsiyalarına çıqa.
