Moskova şeer mahkemesi iyül 13-ünde Qırımnıñ sabıq Rusiye baş nazir muavini Vitaliy Nahlupinniñ apis müddetini uzattı. Memur habar alğanından qabaatlana. Bunıñ aqqında mahkemeniñ saytında bildirile.
Tevqifniñ uzatılması aqqında qararnı mahkemeci Dmitriy Gordeyev aldı. Nahlupinniñ apsi ne qadarğa uzatılacağı belli degil.
Tevqifniñ uzatılması aqqında keçken qarar bu yıl iyün atında temyiz etildi, amma mahkeme onıñ qanaatlendirmesini red etti.
RBK Rusiye neşiriniñ malümatına köre, Nahlupinniñ yaqalanması yol tenderlerinen bağlı. O, yol qurucılığını idare ete, «Federal maqsat programmasınıñ» yol qurucılığından mesüliyetli edi.
