Moskvanıñ Lefortovo rayon mahkemesi iyülniñ 23-nde devlet hainliginde qabaatlanğan 65 yaşında Aqyar sakini Galina Dovgopolayanıñ apiste tutuv şeklinde sıñırlav tedbirini üçünci kere uzattı. Bu aqta «Qırım aq qorçalayıcı gruppası» haber ete.
Qayd etilgenine köre, SİZOda tutuv müddetini uzatmaq qararını qadı Albina Galimova qabul etti.
Apis müddeti ne qadarğa uzatıldı haber etilmey. Mahkeme saytında da bu malümat yoq.
Bundan evel Aqyar sakininiñ apis müddeti aprel ayında – iyülniñ 27-ne qadar – uzatılğan edi.
2019 senesi noyabr ayınıñ soñunda Rusiye Federal telükesizlik hızmeti işğal etilgen Aqyarda Ukraina Mudafaa nazirligi içün istihbarat yapqanından şübheli sayılğan qadın yaqalandı, dep bildirdi. Daa evel belli olğanına köre, devlet hainligi davası aynı maddege istinaden Rusiyeniñ Cenübiy arbiy okruşınıñ arbiyine qarşı açıldı.
