Link açıqlığı

Saatnıñ esas haberi

«Bizim balalarımız terrorist degil»: Moskvada narazılıq aktsiyasından soñ qırımlı faallerni tuttılar (video)


«Bizim balalarımız terrorist degil»: Moskvada narazılıq aktsiyasından soñ qırımlı faallerni tuttılar (video)
Bekleñiz, lütfen
Embed

No media source currently available

0:00 0:00:57 0:00

Moskvanıñ Qızıl meydanında iyülniñ 10-nda kündüz qırımtatar milliy areketi veteranlarınıñ kütleviy narazılıq aktsiyası keçirildi. Qırımlılar öz aktsiyasını iyülniñ 11-nde Rusiye Yuqarı mahkemesinde keçirilecek Bağçasaraydaki birinci «Hizb ut-Tahrir davası» boyunca istinafqa bağışladı. Narazılıq aktsiyasınıñ iştirakçileri tutqan yazuvlı şiarlarda «Qırımda terrorizm ile küreş – başqa fikirlernen küreştir», «bizim balalarımız terrorist degil» dep yazıla. Aktsiya başlağanından beş daqqa keçkeninen Qızıl meydanğa eki politsiya maşinası keldi. Neticede – aktsiyanıñ yedi iştirakçisi tutuldı. Olarnıñ arasında: Fevzi Abduramanov, Eskender Lümanov, Sinaver Nimetullayev, Reşat Emirüseinov, Siyar Gafarov, Enver Seytumerov i Seyran Cemilev. Tutulğanlarnı mitingni keçirüv tertibini bozğanında (Rusiye Memuriy cinayetler kodeksiniñ 20.2 maddesi) qabaatladılar.

XS
SM
MD
LG