Moskvada mayısnıñ 30-nda kündüz Rusiye yol devriyesi hızmetiniñ hadimleri faal Natalya Perovanı yaqaladılar. Tünevin o Rusiye TİN binası yanından cenkke qarşı keçirilgen performansta iştirak etti.
Bunı onıñ dostu haber etti, Perovanıñ özü bunı "OVD-İnfo" aq qoruyıcı merkezine bildirdi.
Perovanıñ dostunıñ aytıp bergenine köre, qıznıñ maşnasını Yol devriyesi hızmetiniñ hadimleri toqtatqan. Belli olmağan sebeplerden onı yaqalap, "Marina roşça" polis bölügine alıp ketkenler.
Keçenlerde Natalya Perova ve Lüdmila Annenkova "Qollarımızdaki qan yoq olmaz" adlı cenkke qarşı aktsiyanı keçirdiler. Qadınlar qırmızı boyanen kirlengen beyaz anterler kiyip, Moskvada Rusiye TİN binası ögüne çıqtılar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
