Qırım siyasiy mabüsi Оleg Sentsovnı ziyaret etkenlerge körgen neticelerini aşkâr etmege yasaqlaylar.
Bunı uquq qoruyıcı ve jurnalist Zoya Setova bildire. O, terakt azırlanuvında qabaatlı olğan ukrain kinorejissörı, qırım siyasiy mabüsi Oleg Sentsovnı Moskva SİZOsında ziyaret etken edi, dep yaza Faktı.
Ondan ilk sefer subetniñ mündericesini gizli tutmağa talap ettiler.
Öz teessuratlarını Zoya The New Times mecmuasında yazdı: «Beş yıl devamında çoq sefer bu apishanede bulundım ve çoq insanlarnı kördim. Amma soñki körüşüv aqlımdan çıqmay. Bu insanlar qabaatlı olmağanında eminim. 10 yıl evelsi men Zara Murtazaliyeva aqqında ilk maqalemni yazğan edim: « Çeçen studentinden terrorist yapuv yolları». Ukrainliler aqqında maqalemni «Bölünmez Ukraina içün küreşçilerniñ terrorist olunması» dep adlamaq istey edim».
Onıñ sözlerine köre, Rusiyede bu kibi işler bir stsenariy boyunca keçirile: «Zayıf yerleri olğan bir-eki insan tapıla. Bu insanlarnı bozalar, olar qabaatını tanıy, digerlerni de añıp keçeler – iş azır. Adliyeciler bunı gizli tutacaqları aqqında ariza yazalar, iş qapalı sürette baqıla ve neticede kimse bir şey añlamaz».
Aynı böyle sürette 2008 senesi mayıs 9 künü Ramzan Kadırovğa etilgen suiqastta qabaatlanılğan çeçenlerniñ işi olıp keçti. Onı da şimdi Оleg Sentsovnıñ işini alıp barğan polkovnik taqiq ete edi.
Neşirde yazılğanı kibi, Оleg uquq qorçalayıcılar ile çoq laf etmedi, «Lefortovo»da yaqalanuvına şikâyet etmey edi. «Evge yazmağa istemeyim, – dedi Sentsov. – Maña öyle daa da qolay olur. Bilem ki, dost ve yaqınlarım maña yardım etecekler. Azatlığı içün küreşken memleketim meni qaldırmaz».
Rusiye FSB kinorejissörnı terraktnıñ azırlanuvında qabaatlay. Ukrain tarafı Rusiyeden bir qaç kere rejissörnı azat etmege talap ete edi.
Bunı uquq qoruyıcı ve jurnalist Zoya Setova bildire. O, terakt azırlanuvında qabaatlı olğan ukrain kinorejissörı, qırım siyasiy mabüsi Oleg Sentsovnı Moskva SİZOsında ziyaret etken edi, dep yaza Faktı.
Ondan ilk sefer subetniñ mündericesini gizli tutmağa talap ettiler.
Öz teessuratlarını Zoya The New Times mecmuasında yazdı: «Beş yıl devamında çoq sefer bu apishanede bulundım ve çoq insanlarnı kördim. Amma soñki körüşüv aqlımdan çıqmay. Bu insanlar qabaatlı olmağanında eminim. 10 yıl evelsi men Zara Murtazaliyeva aqqında ilk maqalemni yazğan edim: « Çeçen studentinden terrorist yapuv yolları». Ukrainliler aqqında maqalemni «Bölünmez Ukraina içün küreşçilerniñ terrorist olunması» dep adlamaq istey edim».
Onıñ sözlerine köre, Rusiyede bu kibi işler bir stsenariy boyunca keçirile: «Zayıf yerleri olğan bir-eki insan tapıla. Bu insanlarnı bozalar, olar qabaatını tanıy, digerlerni de añıp keçeler – iş azır. Adliyeciler bunı gizli tutacaqları aqqında ariza yazalar, iş qapalı sürette baqıla ve neticede kimse bir şey añlamaz».
Aynı böyle sürette 2008 senesi mayıs 9 künü Ramzan Kadırovğa etilgen suiqastta qabaatlanılğan çeçenlerniñ işi olıp keçti. Onı da şimdi Оleg Sentsovnıñ işini alıp barğan polkovnik taqiq ete edi.
Neşirde yazılğanı kibi, Оleg uquq qorçalayıcılar ile çoq laf etmedi, «Lefortovo»da yaqalanuvına şikâyet etmey edi. «Evge yazmağa istemeyim, – dedi Sentsov. – Maña öyle daa da qolay olur. Bilem ki, dost ve yaqınlarım maña yardım etecekler. Azatlığı içün küreşken memleketim meni qaldırmaz».
Rusiye FSB kinorejissörnı terraktnıñ azırlanuvında qabaatlay. Ukrain tarafı Rusiyeden bir qaç kere rejissörnı azat etmege talap ete edi.
