Moskvada mayısnıñ 9-nda Zafer bayramı munasebetinen arbiy parad ötkerildi. Minberde Rusiye lideri Vladimir Putinnen beraber Ermenistan baş naziri Nikol Paşinân, Qazahistan prezidenti Kasım-Jomart Tokayev, Qırğızistan prezidenti Sadır Japarov, Tacikistan prezidenti Emomali Rahmon, Özbekistan prezidenti Şavkat Mirzioyev ve Beyazrusiyeni temsil etken Aleksandr Lukaşenko (ABD, Avropa Birligi ve Ukrayına Beyazrusiye ükümranını tanımay) bar edi.
2022 senesi Moskvadaki paradda iç bir çetel devletiniñ lideri yoq edi, Kreml o vaqıt kimseni davet etmemege qarar aldı, dep bildirgen edi.
Rusiye Federatsiyası prezidentiniñ spikeri Dmitriy Peskov parad programmasında bir qısqartuv olmaycaq, dep bildirdi. «Adiy parad azırlana. Aytacağım bu qadar. Prezident çıqışta bulunacaq, er vaqıt kibi», – dedi spiker.
Soñki aftaları Rusiye Federatsiyasınıñ paytahtında telükesizlik tedbirleri bayağı quvetleştirildi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
