Moskva BMT-nıñ baş kâtibi Antonio Guterresniñ Ukrayinanıñ cenübinde Rusiye tarafından zapt etilgen Zaporijjâ Atom elektrik stantsiyasınıñ etrafında silâsız bölge yaratmaq teklifini red etti.
Avgustnıñ 18-nde matbuat brifingi vaqtında Rusiye TİN spikeri İvan Neçayev bu tekliflerge "qabul etilmez" dedi.
Zaporijjâ Atom elektrik stantsiyası mart ayında, Ukrayinağa qarşı büyük istiyala başlanğandan az soñra Rusiye tarafından zapt etildi.
Avropanıñ eñ büyük olğan Zaporijjâ Atom elektrik stantsiyasınıñ soñ aftalarda defalarca ateşke tutulması özek felâketi telükesini arttırdı.
BMT baş kâtibi ve dünya toplulığı Zaporijjâ AES-da özek felâketi telükesi ile raatsızlıq bildirdi.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrainalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
