Qurtarıcılar Moskva yanındaki Obuhovo qasabasında 8000 metr kârede polimer mahsulat istisal hazinesiniñ damı yandı, dep ayta.
Yanğıncılar kelmezden hadimleri özleri tışarı çıqtı. Adise yerinde 100-den çoq mütehassıs ve 33 dane tehnika çalıştı. İlk malümatqa köre, yaralanğanlar yoq.
Bundan ğayrı, Fevqulâde vaziyetler nazirligi Moskvanıñ Entuziastov şossesinde 2000 metr kârelik memuriy istisal hazinesi yandı.
«Adise yerine yanğın treni ketti, qurtarıcılar alev tarqalmasın dep tedbir aldı. Bir qaç saattan soñ yanğın söndürildi. Yaralanğanlar yoq», – dep bildirdi Rusiye Fevqulâde vaziyetler nazirliginiñ haberinde.
Soñki vaqıtları Rusiyede Moskvada ve diger regionlarda yanğınlar çoq ola. Liman, arbiy obyekt, zavodlarda yanğınlar söndürildi.
Rusiyeniñ Ukrayınağa qarşı büyük istilâsınıñ ekinci yılında Rusiye regionları – em sıñırdaki, em Ukrayınadan uzaq regionlar – ateşlerge oğray, yaralanğanlar ve yıqılğan binalar yoq.
Regional akimiyet ücümler Ukrayına tarafından yapıla, dep bildire. Kyiv bu haberni izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
