Rusiye Federatsiyasınıñ Moskva vilâyetinde Mi-24 ücüm vertolötı yandı, dep bildire Ukrayina Mudafaa nazirliginiñ Baş istihbarat idaresi.
"2024 senesi noyabrniñ 9-dan 10-na keçken gecesi Moskva vilâyetiniñ Klin-5 uçaq alanında Rusiyeniñ Mi-24 ücüm vertolötı yoq etildi", — dep bildirdi müessise.
Ukrayina istihbaratınıñ malümatına köre, vertolöt Rusiye Silâlı quvetleriniñ arbiy aviatsiyasınıñ uçuş terkibiniñ yañıdan azırlanuvı ve arbiy qullanuv 344 merkeziniñ 92 eskadrilyasınıñ terkibine ait edi.
İstihbarat bildirüviniñ mustaqil tasdıqlanması yoq. Rusiye komandanlığı bunı izaatlamadı.
Ukrayina Silâlı quvetleri Baş ştabınıñ malümatına köre, Rusiye Ukrayinağa qarşı cenk vaqtında 329 vertolötnı ğayıp etti. Rusiye tarafı tehnikanıñ zararları aqqında malümatnı izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
