Moskva şeer yolbaşçısı Sergey Sobânin oktâbrniñ 26-nda saat 16:41-den 23:40-qa qadar Rusiyeniñ paytahtına doğru uçqan uçucısızlarnıñ Rusiye ava mudafaa küçleri tarafından tesirsiz alğa ketirilgenine dair beş haber derc etti.
“Mudafaa nazirliginiñ ava mudafaa küçleri Moskvağa uçqan uçucısıznı urıp tüşürdi. Parçalar tüşken yerde acele hızmetlerniñ mütehassısları çalışa”, – dep aytıla haberlerden birinde.
Astra Telegram kanalı qayd etkenine köre, Kommunarka qasabası civarında (Moskvağa kire) patlavlardan soñ tuman körüne.
“Astra levhalarnıñ yerini bildi – kerçekten Kommunarkada çıqarıldı, ormanda tuman körüne”, – dep aytıla haberde.
Rusiyeniñ Ukrayinağa qarşı büyük istilâsı başlağan soñ Rusiyede çeşit obyektler ava darbelerine oğray. 2024 ve 2025 seneleri darbelerniñ nişanı cermay zavodları oldı.
Ukrayina Silâlı quvetleriniñ Baş ştabı darbelerniñ çoqusını tasdıqlap, Ukrayina Mudafaa quvetleri “Rusiye işğalci ordusınıñ arbiy imkânlarını eksiltmek içün ve Rusiyeniñ Ukrayinağa qarşı silâlı istilâsını toqtatmağa mecbur etmek içün muntazam sürette areket ete”, dep bildire.
