Telegram kanalında yazğanına köre, Rusiye ava mudafaa quvetleri 10 dronnı urıp tüşürgen eken.
«Bu – Moskvağa uçucısızlarnen ücüm etmek ıntıluvlarından eñ büyügidir», – dep qayd etti Sobânin.
Onıñ aytqanına köre, ilk malümatqa baqılsa, yaralanğan insanlar ve yıqılğan binalar yoq. Rusiye Mudafaa nazirligi vaziyetni izaatlamadı.
Muarririyet bu malümatnı mustaqil menbalarda teşkerip olamay. Ukrayina tarafı bu haberlerni izaatlamadı.
Rusiye akimiyetiniñ vekilleri ücümlernen bağlı tam malümat bermey, tek uçucısızlar ücüm etti ve Rusiye ava mudafaa quvetleri olarnı tüşürdi, dep bildire.
Soñki ayları Kyiv Rusiye toprağına avadan ücümlerini quvetleştirip, maqsadı Moskvanıñ cenk ğayretleri içün esas olğan infrastrukturanı yoq etmek ve Rusiyeniñ Ukrayinağa qarşı darbelerine cevap bermek ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
