Moskva merkezindeki mesken evde çıqqan yanğın neticesinde elâk olğanlarnıñ sayısı 7-ge arttı. Bu aqta «İnterfaks» rus haber agentligi bildire. Daa evel dört elâk olğan ve üç yaralanğan kişi aqqında haber etilgen edi.
Yanğın Nikitskiy bulvarındaki evniñ dairelerinden birinde çıqtı. Evniñ tahta töşemeleri bar, alev binanı tez qavrap aldı, yanğın tahminen 1 biñ metre kârede oldı. 300 metrde töşemeler yıqıldı.
Ev 1912 senesi qurulğan edi, 100 dairesi bar. Medeniy miras yerlerine hasmı-yoqmı tam bir malümat yoq.
Evde bir sıra meşur insannıñ dairesi bar, şu cümleden oyuncı İngeborga Dapkunayte («RİA Novosti» rus neşiriniñ yazğanına köre, dairesi yanğından zarar körmedi), ressam Nikas Safronov, dirijor Yuriy Başmetniñ qızı Kseniya Başmetniñ dairesi.
Yanğın sebebi daa belli degil, cinaiy iş açıldı.
