Aprelniñ 9-nda kündüz Moskva merkezindeki 2-nci Brestskaya soqağında biznes merkeziniñ binasında patlav oldı, dep haber ete «Nastoyaşçeye Vremâ». Menbalarnıñ malümatına köre, adise binanıñ sekizinci qatında oldı: biznes merkeziniñ qarşısında Slovakiyanıñ Rusiye elçihanesi buluna.
Patlav sebepleri daa belli degil. TASS neşiriniñ Fevqulâde vaziyetler nazirligindeki menbalarınıñ malümatına köre, patlav qazan dairesinde oldı. Şaatlarnıñ aytqanına köre, adise yerinde ateş çıqtı, amma onı tez söndürdiler.
