Moskva mahkemesi qırımtatar yırcısı Jamalanı Rusiye ordusı aqqında «sahte malümat» tarqatqanı qabaatınen ğıyabiy tevqif etken, yırcı halqara qıdıruvğa da ilân etilgen. Bunı TASS haber ete.
"Camaladinova ğıyabiy şekilde tevqif etilgen. Bundan ğayrı o halqara qıdıruvğa ilân etilgen. Cinayet davası moskvanıñ Basman rayon mahkemesine yollanacaq", - dep yazıla bildirmede.
2022 senesi aprelniñ 4-nde yırcı "mahsus operatsiya" vaqtında Rusiye ordusınıñ areketleri aqqında yalan malümat ile yazı paylaşqanı iddia etile.
Jamala, 2014 senesi Qırımnıñ Rusiye tarafından işğal etilmesini ve Rusiyeniñ Ukrayinağa qarşı büyük cenkini devamlı ve açıq şekilde takbih ete. 2016 senesi "Eurovision" yarışında Ukrayınanı temsil etip, qırımtatar sürgünligi aqqında yırladı ve ğalebe qazandı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
