Moskvadaki FSB binası ögünde oktâbrniñ 30-nda aqşam bir sıra biri kişilik narazılıq aktsiyası keçirildi. Faaller qırımlı siyasiy mabüsler Oleg Sentsov ve Vladimir Baluhnıñ azat etilmesini talap ettiler. Aktsiya iştirakçisi Vera Lavreşinanıñ Qırım.Aqiqatqa bildirgenine köre, faaller tutulacağından qorqqan ediler.
«Bizni tutıp almadılar. Faallerniñ eñ büyügi Vadimge irişkenler. Fotoresimini çıqarğanlar. Amma biz olğan bütün yazuvlı şiarlarnı açtıq. FSB binası ögünde ve civarlarında», – dep ayttı o aktsiyadan soñ.
Şu künü aqşam Sankt-Peterburgda politsiya «Ölüsiz GULAG» adlı siyasiy repressiyalarnıñ qurbanlarını añma aktsiyasınıñ eki iştirakçisini tuttı.
Rusiyede er yıl oktâbrniñ 30-nda Siyasiy repressiyalarnıñ qurbanlarını añma kününde matem aktsiyaları ve hatıra tedbirleri keçirile.
«Strategiya-30» aktsiyası çerçivesinde Rusiye muhalifet faalleri er aynıñ 30-nda toplaşıp, «Siyasiy mabüs kününi» keçire. Olar barışıq narazılıq aktsiyalarına çıqıp, siyasiy mabüslerniñ azat etilmesini, Rusiyeniñ Ukrainağa qarşı istilâsınıñ toqtatılmasını ve Qırımnıñ işğalden azat etilmesini talap ete.
