Moskva şeer yolbaşçısı Sergey Sobânin, quralaynıñ 5-ne keçken gecesi, Moskva tarafına uçqan dört uçucısız uçaq Podolsk rayonında urıp tüşürilgenini bildirdi. Onıñ aytqanına köre, zarar körgenler yoq.
Rusiye Mudafaa nazirligi de Moskva vilâyetinde saat 2:30-da dört dron tutulğanını bildirdi. Bundan da ğayrı, 17 pilotsız uçaq, Rusiye arbiy idaresiniñ bildirgenine köre, Brânsk vilâyetinde, daa 5 uçaq Kaluga vilâyetinde urıp tüşürildi.
Moskvanıñ Domodedovo ava limanında dronlarnıñ uçuşı vaqtında uçaqlarnıñ qabul etilmesi ve çıqarılması vaqtınca sıñırlandı, dep bildire Rusiye aviatsiyası. Bir saat soñ sıñırlavlar lâğu etildi.
Şaatlar, Podolskta ava mudafaasınıñ sesleri eşitilgenini iddia etken videolarnı derc eteler.
Ukrayina uçaqlarnıñ ücümini izaatlamadı.
Roskomnadzor Qırım.Aqiqat saytını blok etti.Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
