Moskva meri Sergey Sobânin Quralaynıñ 4-ünde gece yüaz bergen dron ücümi aqqında bildirdi. Onıñ sözlerine köre, dron Mosfilmovskiy rayonındaki binağa ücüm urğan. Yaralanğanlar yoq.
"Astra"nıñ taliline köre, ücüm "Dom na Mosfilmovskaya" mesken kompleksindeki yaşayış binağa zarar ketirdi. Bina Kremlden altı kilometr uzaqlıqta yerleşken, dep haber ete neşir.
Sobânin, quralaynıñ 3-ne keçer gecesi ve bütün bazar künü devamında Moskvağa uçqan dronlarnıñ yerge tüşürilgeni aqqında haber etti. Bir binağa urulğanı aqqında haberden soñ Sobânin Moskvada daa eki dron ücümi qaytarılğanını yazdı. Domodedovo ve Vnukovo ava limanları öz işini qısmen sıñırladılar.
Mash, şaatlarğa atıf eterek, fasadnıñ bir qısmı binanıñ yanındaki maşnağa yıqılğanını haber ete. Bina yanında yol yürüşi qapatıldı. Bina Moskvanıñ cenüp-ğarbında nufuzlı bir yerde yerleşken, mında, başqa şeylernen beraber, tış elçilikler de bar.
Ukrayinanıñ Exilenova+ monitoring kanalınıñ malümatına köre, Moskvağa ücüm yapqan dron "FP-1 tipli tam ücüm dronı olıp çıqtı".