Moskva şeer yolbaşçısı Sergey Sobânin noyabrniñ 19-nda aqşam Rusiye paytahtına dron ücüm etti, dep bildirdi.
Memurnıñ Telegram kanalında yazğanına köre, uçucısız Elektrostal şeer okrugında urıp tüşürilgen eken. Parçaları tüşken yerde «zararlar ve yaralanğanlar yoq», dep bildirildi.
Sobânin adise yerine acele hızmetler çalışa, dep qoştı.
Rusiye Mudafaa nazirligi uçucısız ücümi ıntıluvı oldı dep, Ukrayınanı qabaatladı. Rusiye müessisesi bir delil derc etmedi.
Ukrayına tarafı bunı izaatlamadı.
Moskva ve Ukrayınanen sıñırı olğan Rusiye topraqları – birinciden Belgorod, Brânsk ve Kursk vilâyetleri – soñki vaqıtları uçucısız ücümleri ve top atışları aqqında muntazam sürette bildire. Ukrayına tarafı bu vaqialarnı izaatlamay.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
