Link açıqlığı

Saatnıñ esas haberi

Moskva: «Şeremetyevo» ava limanında uçaq qazadan sebep qondı


Moskvadaki «Şeremetyevo» ava limanı. Arhiv fotoresimi
Moskvadaki «Şeremetyevo» ava limanı. Arhiv fotoresimi

Moskvadaki «Şeremetyevo» ava limanında «Aeroflot» ava şirketiniñ «Suhoy Superjet» yolcu uçağı yandı.

Uçaq SU-1492 Moskva-Murmansk ava seferini kerçekleştirip, aman-aman birden «Şeremetyevo» ava limanına qayttı, dep bildire Azatlıq Radiosınıñ rus bürosı.

«RİA Novosti» Rusiye haber agentliginiñ bildirgenine köre, uçaqta olğan 78 insan tahliye etildi. Yaralanğanlarnen bağlı farqlı malümat bar.

Baza telegram-kanalınıñ derc etken videosında körüngeni kibi, uçaq qonğanda onı alev qavrap alğan edi. İçtimaiy ağlarda şaatlarnıñ foto ve videoları peyda oldı, anda yolcular yanğan uçaqnı terk ete. Yanğın söndürildi.

Yanğın sebepleri daa belli degil. TASS Rusiye haber agentliginiñ menbağa esaslanıp bildirgenine köre, yanğın sebebi yaşın ola bile.

TASS menbasınıñ malümatına köre, eñ azından 10 insan yaralandı. «İnterfaks» Rusiye haber agentliginiñ malümatına köre, 6 insan yaralandı, Baza ise 26 yaralanğan kişi aqqında yaza.

Şimdilik Rusiye hızmetleri bunı tasdıqlamadı.

XS
SM
MD
LG