Link açıqlığı

Saatnıñ esas haberi

Moskovada siyasiy mabüslerge destek mitingine 25 biñ adam qoşuldı


Sentâbr 29-ında Moskovada, Akademik Saharov caddesinde siyasiy mabüslerge destek mitingi keçirildi. Onı, resmiy qayd etilmegen Rusiye Libertarian partiyası teşkil etti. "Beyaz sayıcı"nıñ ("Belıy sçötçik") malümatına köre, onda 25 biñden çoq adam iştirak etti. Rusiye İçki İşler Nazirligi 20 biñ iştirakçi aqqında haber ete, dep bildire Radio Svoboda.

Aktsiya eki saattan çoq sürdi. Bu vaqıtta Qabarcılıqnen küreş Fodunıñ başı Aleksey Navalnıy, Libertarian partiyasınıñ lideri Mihail Svetov, advokat Mariya Eysmont, televizion alıp barıcısı Tatyana Lazareva, jurnalist İlya Azar, yırcı Aleksey Kortnev, Moskova şeer dumasına qayd etilmege namzetler Lübov Sobol, İvan Jdanov ve Yuliya Galâmina, Sankt-Peterburg qanun çıqarıcı toplaşuvınıñ mebusı Maksim Reznik, "Yabloko" partiyasından Moskova şeer dumasınıñ mebusı Maksim Kruglov ​sanadan iştirakçilerge muracaat etti.

Öz çıqışlarında olar, siyasiy mabüslerniñ episi azat olunmağance, er kün narazılıqlarda iştirak etmege çağırttı. Şeer parlamentine saylanılğan mebus Kruglov, bütün işlerini qaldırıp, Moskova şeer dumasınıñ kün tertibine er kün "Moskova davası"nıñ qapatılması aqqında sualni kirsetmege söz berdi.

Mitingde dört sabıq "Moskova davası" boyunca qabaatlanğan adam - Aleksey Minâylo, Valeriy Köstenok, Vladislav Barabanov ve Daniil Konon da çıqışta bulundı. Olar, olarğa azat olmağa yardım etken er keske minnetdarlığını bildirdi. Ve türme ve SİZOlarda alâ daa onlarce siyasiy mabüs tutulğanını hatırlattılar.

Mitingden soñ Aleksey Minâylo Radio Svoboda hadiminen laf etkende, uquq qoruyıcı faaliyetnen oğraşacağını ayttı ve SİZOdaki eki aylıq tecribe oña bu işte yardımcı olur, dep qoştı. Aleksey Navalnıy ise, siyasiy mabüsler içün küreş, oppozitsiyanıñ yaqın vaqıtta esas işi olacaq, dep ayttı.

XS
SM
MD
LG