Moskovada Qızıl meydanda iyül 10-unda kütleviy piketten soñ qırımtatar milliy areketiniñ 7 veteranını tutıp aldılar.
Bu aqta Qırım.Aqiqatqa Rusiye uquq qoruyıcısı Aleksandra Krılenkova aytıp berdi.
"Doğru saat 11:00 Qızıl meydanda Lenin mavzoleyiniñ qarşısına, menimce, onlarnen qırımtatar milliy areketiniñ veteranı çıqıp, plakatlarnı açtı. Olarnıñ piketi birinci Bağçasay "Hizb ut-Tahrir davası"nıñ apellâtsiyasına bağışlanğan. Beş daqqadan soñ polisniñ eki yengil maşnası kelip, er keske: cıyılıñız, dep ayttı. Soñunda piketniñ üç iştirakçisini bir maşnağa oturttılar, daa üçüni - başqa maşnağa, ve daa birisini - bir yerge alıp kettiler", - dep aytıp berdi Krılenkova.
Piket iştirakçileriniñ pkalatlarında: "Qırımda milliy ve diniy alâmetke köre basqını toqtatıñız", "Qırımda "terrorcılıq"nen küreş - bu başqa fikirde olğanlarnıñ taqibidir", "Balalarımız terrorcı degil" ve il., dep yazılğan edi.
Şimdilik bu vaziyetnen bağlı Rusiyeniñ mesuliyetli müessiseleriniñ açıq tefsirleri yoq.
