Moskovanıñ Tagan rayon mahkemesinde iyül 29-ında, evel Rusiye paytahtına vatandaşlarına qol tutmaq içün kelgen, qırımatatarlarnıñ mahkeme oturışları keçirilecek. Bu adamlar "Hizb ut-Tahrir davası" boyunca apis etilgen semetdeşleri - Enver Mamutov, Zevri Abseitov, Rustem Abiltarov, Remzi Memetovnıñ appelâtsiya mahkemesinde destek köstermek içün kelgen edi.
Bu aqta "Qırım birdemligi" cemiyet birleşmesi bildirmekte. Beyanatqa köre, birinci oturış saat 10:00-ğa tayinlengen, soñkisi ise saat 14:00-ğa.
"10:00-da Tairov R.M, 10:10-da Abdullayev E.R., 10:30-da Gavrikov A.A., 10:40-ta Üseinov K.N., 10:50-de İbraimov N.A., 11:00-da Beytullayev R.E., 11:10-da Abdurazakov O.N., 11:20-de Appazov Z.Z., 11:30-da Celâlov R.A., 11:40-ta İzmaylov E.R., 11:50-de Cemilev M.E., 12:00-da Sayfullin İ.N., 14:00-da Kamilov R.Ş., 14:20-de Ahayev M.D., 14:30-da Hoşçu O.M." – denile beyanatta.
