Oktâbr 18-inde Moskova merkezinde qırımtatarlarğa qol tutqan ve "Mustaqil Qırım" içün "Strategiya-18" Rusiye teşebbüs gruppasınıñ bir kişilik piketleri keçti. Piketçiler, yañı plakatnı ve yaqında Qırımda yevqif etilgen faal Oleg Prihodkonıñ adınen yazını tuta edi. Bunı Qırım.Aqiqatqa teşebbüsniñ iştirakçisi, Rusiye faali Vera Lavreşina aytıp berdi.
"Biz plakat yaptıq ve bu "Baluh-2" davası olğanını añlata edik. Esirlikten qaytqanlar içün quvanıp yetiştirmedik, olar endi yañılarını tutıp ala! Eñ yahşılarnı saylaylar...", - dep qayd ete faal.
Piketçiler, "Qırımnıñ tamır halqı serbestlik ve Vatan saibi olmağance", narazılıqlarını devam etmege niyetlene.
Sankt-Peterburg ve Moskvada yaşağan Rusiye faalleri «Strategiya-18» müddetsiz aktsiyasına birleşken edi. Bu ad 1944 senesi mayısnıñ 18-nde olğan qırımtatar sürgünliginiñ künü ile bağlıdır. Er aynıñ 18-nde faaller soqaqlarğa çıqıp, işğal etilgen Qırım vaziyetini, insan aqları bozulğanını tarif eteler.
