Moskovanıñ Nagatin mahkemesi, rusiye muhalif faali Denis Baholdinge üküm çıqardı dep bildire Facebookta onıñ advokatı Svetlana Sidorkina.
Onıñ aytqanına köre, mahkeme Baholdinni Rusiyede ekstremist sayılğan teşkilâtqa ait olğanında qabaatlı tanıdı ve 3 yıl 6 aylıq apis cezasını üküm etti.
36 yaşlı Moskova cemaat faali Denis Baholdin, Ukrainağa qoltutuv aktsiyalarınıñ faal iştirakçisi edi, 2014 senesi ise Kyivge köçti. Üç yıldan soñ - 2017 senesi mart ayında - rusiye akimiyeti Baholdinni sıñırda tutıp aldı, i Kyivden Moskovağa ana-babasını ziyaret etmege kete edi.
Tahqiqatcılar, o, Rusiyede yasaq etilgen “Pravıy sektor” ukrain teşkilâtınen işbirlik yapa edi dep iddia ete. Baholdin qabaalavnı inkâr ete.
Rusiye ve Ukrainada faalge destek kösterüv aktsiyaları keçe.
