Rusiye Maarif nazirligi, Qırımda "Artek" bala merkezinde raatlanğan 15 yaşındaki qızçıqnıñ ölüminiñ sebeplerini tahqiq etmek içün mahsus komissiyanı yarattı. Bunı, müessise matbuat hızmetine atıf etip, "İnterfaks" agentligi bildire.
Nazirlikte, "vaqia yerinde tahqiqat organları çalışa", dep bildirdiler. Komissiya işiniñ başqa tafsilâtları şimdilik yoq.
Noyabr 13-ünde ilhaq etilgen Qırımda "Artek" bala lagerinde Dağıstandan kelgen 15 yaşındaki qızçıqnı yuqudan soñ ölü taptılar. Qırım ve Aqyarda Rusiye tahqiqat komitetiniñ ilk bergen malümatına köre, aqşam o yuqlamağa yattı, saba ise ölü tapıldı.
Qızçıqnıñ ölümi sebebinden cinaiy dava açıldı.
