Link açıqlığı

Saatnıñ esas haberi

Moskova: quvetçiler, qırımtatar faalerini imaye etken advokatlarnı tinte


Moskovada FSB hadimleri, "Uquq teşebbüsi" uquq qoruyıcı leyhasınıñ ofisine keldi. Bunı teşkilâtnıñ matbuat kâtibi Kseniya Babiç bildire, dep haber ete "Azatlıq Radiosı".

Onıñ aytqanına köre, quvetçiler ozüni tanıtmadı, sadece olarda bütün bina tintüvine qarar bar olğanını bildirdi. Olar "Uquq teşebbüsi"niñ hadimlerinden telefonlarnıtutıp aldı, olarnıñ pasportlarını süretke çekti ve vesiqalar turğan odanı tintip başladı.

Rusiye küç müessiseleri şimdilik bu adiseni tefsir etmedi.

"Qırım birdemligi" bildirgeni kibi, "Uquq teşebbüsi", Rusiye Yuqarı mahkemesi yanında tutulğa qırımtatarlarğa yuridik yardım etti.

Advokatlar Rustam Metsev ve Olga Gnezdilova, böyle davalarnıñ "strategik emiyeti" bar, dep ayta.

"Biz, qırımtatarlarnıñ davalarını Qırım zenaatdaşlarımıznen beraber alıp, Avropa Mahkemesinde baqılmasına irişmege doğru sayamız, cünki, bizimcisine, qırımtatarlağa qarşı eñ azından Konventsiyanıñ 11-inci maddesine köre bozuldı", - dedi advokatlar.

Moskvada iyülniñ 11-nde Rusiye politsiyası Bağçasaraydaki birinci «Hizb ut-Tahrir davasınıñ» mabüslerine qoltutmaq içün Rusiye Yuqarı mahkemesiniñ binasına kelgen 45 insannı tuttı. Faallerniñ qollarında yazuvlı şiarlar bar edi: «Qırımda milliy ve diniy sebeplerden repressiyalarnı toqtatıñız», «Qırımda «terrorizm» ile küreş – farqlı fikirlernen küreştir», «Bizim balalarımız terrorist degil» ve ilâhre.

"Uquq teşebbüsi" 2000 yıl faaliyet kösterip başladı. Leyha, sabıq Sovet Birligi topraqlarında insan aq-uquqları bozulmasınen, işkencelerge qarşılıq kösterüvnen oğraşa.

XS
SM
MD
LG