Link açıqlığı

Saatnıñ esas haberi

Moskova mahkemesinde zapt etilgen dört Ukraina deñizcisiniñ tevqif uzatılması baqılacaq


 "Yañı Qapu"nıñ üçünci rang kapitanı Volodımır Lisovıy
"Yañı Qapu"nıñ üçünci rang kapitanı Volodımır Lisovıy

Yanvarniñ 16-sında Moskovanıñ Lefortovo rayon mahkemesinde zapt etilgen dört Ukraina deñizcisiniñ tevfiq uzatılması baqılacaq.

Olarnıñ arasında "Yañı Qapu"nıñ üçünci rang kapitanı Volodımır Lisovıy, "Yañı Qapu"nıñ üyken matrosı Viktor Bespalçenko, "Yañı Qapu"nıñ üyken matrosı Volodımır Varimez ve "Nikopol"niñ birinci madde çavuşı Vladislav Kostışın.

Yanvar 15-inde Moskovada mahkeme, 24 Ukraina deñizcisinde 20-siniñ tevfiq müddetini uzattı. Olardan 17-si aprel 24-ünece apiste bulunacaq, Andrey Eyder, Andrey Artemenko ve Vasiliy Soroka ise aprel 26-sınace SİZOda tutılacaq.

Keçirilgen oturış devamında imaye, tahqiqat muracaatını red etmek rica ete edi. Arbiylerniñ tevfiq cezası başqasına deñiştirilse edi, Ukraina elçiligi arbiylerge yaşav yerine bermege azır edi.

Daa evel Qırım yalısı yanında FSB zapt etken 24 ukrain arbiyi, cenk esirleri olğanını tahqiqatqa beyan etti.

Noyabrniñ 25-nde Rusiyeniñ sıñır gemileri Odesa limanından Azaq deñizinde Mariupolge keçken Ukraina Arbiy deñiz quvetleriniñ gemilerine qarşı «açıq istilâiy areketler» kerçekleştirdi. Rusiyeniñ «Don» sıñır kateri Ukraina Arbiy deñiz quvetleriniñ «Yañı Qapu» reyd buksirine aselet çarptı.

Rusiye FSBsi Ukraina gemilerine qarşı silâ qullanğanını tasdıqladı, mında berilgen malümatqa köre, üç Ukraina cenk gemisi noyabrniñ 25-nde «Rusiye devlet sıñırından qanunsız keçti».

Aqmescit ve Keriç mahkemeleri 24 Ukraina deñizcisini apiske aldı. Olar 2019 senesi yanvarniñ 25-ne qadar apiste qalacaqlar. Ukraina deñizcileri 6 yılğa azatlıqtan marum qala bile. Qırım yalısında zapt etilgen Ukraina deñizcileri noyabrniñ 27-nde Rusiye Ceza kodeksiniñ 322-nci maddesiniñ 3-ünci qısmına istinaden (sıñırdan qanunsız keçiş) qabaatlandı. Esir alınğan Ukraina askerleri Moskvağa avuştırıldı.

Qırım Muhtar Cumhuriyetiniñ prokuraturası Rusiye FSBsi tarafından zapt etilgen ukrain deñiz askerlerini cenk esiri dep tanıdı.

Rusiyeniñ Keriç boğazında yapqanlarını bir sıra Avropa memleketi ve ABD tenqit eteler. NATO, vaziyetni ve Keriç boğazındaki adiselerni diqqatnen közetkenini bildirip, ağır-sabırlı olmağa ve vaziyetniñ daa beterine yol açmamağa çağırdı.

XS
SM
MD
LG