Poloniya Avropa Komissiyasınıñ qararına baqmadan Ukrayina zahiresine embargo qoyacaq, dep bildirdi memleketniñ baş naziri Mateuş Moravetskiy.
Onıñ sözlerine köre, yasaq sentâbrniñ 16-ndan quvetini alacaq.
"Avropa Komissiyası tarafından razılıq olmağanına baqmadan Poloniyanıñ bütün çiftçilerine ukrayin zahiresiniñ italâtına embargonı devam ettirecegimizni bildirem. Berlin ya da fon der Lâyyen, Tusk ya da Veberni diñlemeycekmiz. Bunı Poloniya çiftçilerini tüşünerek yapamız", - dedi o.
Sentâbrniñ 15-nde Avropa Komissiyası Ukrayinadan Avropa Birligine Poloniya, Romaniya, Slovakiya, Macaristan ve Bulğaristandan boğday, mısır boğday, qozla urluğı ve künaylan italâtını yasaq etken sıñırlavlarnı devam ettirmedi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
